Psa 139 | ZomZIV | STEP | Tumtheih makaipa ading. David phuah. Phatna-la khat. TOPA aw, nang kei hong pheklekin nong thei khin hi.

1 TOPA aw, nang kei hong pheklekin ^a
nong thei khin hi. ^b
2 Ka heksuk, ka hektohna na thei hi; ^c
a gamlapi panin ka ngaihsutna nong tel hi. ^d
3 Ka pusuahna le ka lupna nong tel a;
ka lampite khempeuh na theihsa ahi hi. ^e
4 Ka leii tungah kammal khat beek a omma-in
teltakin na thei hi, TOPA aw. ^f
5 Ka nung ka ma ah nang, nong huai-a; ^g
ka tungah na khut na nga hi.
6 Tua bang theihna kei adingin lamdang lua a,
sang lua ahi ciangin ka ban zo kei hi.
7 Nangma Kha pan koi ah pai thei ding ka hi hiam?
Nang omna panin koi ah taimang thei ding ka hi hiam? ^h
8 Vante ah kahto leng, tua lai ah na om hi; ⁱ
a thuknate ^{▼▼ 8 Hebrew in Sheol} ah ka lupna phah leng tua lai-ah na om hi.
9 Phalvak khate tungah tuangin
tuipi gei gamlapi ah ka teng zongin
10 tua lai nangawn ah na khutin kei hong makaih dinga, ^k
na khut taklam in kei hong lenkip ding hi. ^l
11 “Khuamial in kei hong sel taktak dinga, ka kimkot ah khuavak,
zan khuamial suak ding hi,” ka ci zongin
12 nang adingin khuamialpen nangawn a mial kei ding hi; ^m
nang aa in khuamial, khuavak tawh kibang ahi manin
zan in sun bangin khua a vak ding hi.
13 Ahang in, ka hinna sungnungpen dong nangma piansaksa hi-a; ⁿ
ka nu sul sungah kei nong khuituah khin hi. ^o
14 A lauhuaipi le a lamdangpi in kei hong kibawl ahi manin
nang kong phat hi;
na nasepte lamdang hi, cih teltakin ka thei hi. ^p
15 Munbu sungah kei hong kibawl lai-in, ^q
nang adingin ka guh ka tang kisel lo hi.
Lei thukpi sungah kei hong kigattuah lai-in, ^r
16 pumpi ahi nai lo keimah na mitin nong mu hi.
Kei adingin a kikipsaksa ni khempeuh
khat beek a tun ma-in ^s
na laibu sungah a kigelh khin hi.
17 Pasian aw, nang ngaihsutnate kei tung ^{▼▼ 17 Ahikeh tawh kisai-in} ah manpha si e!
A kigawmna zai mahmah si e! ^u
18 Sim sawm hi leng,
sehnel mal zah sangin tamzaw ding hi. ^v
Ka khanlawh ciangin
nang tawh ka omkhawm lai hi. ^w
19 Pasian aw, migilote thatmai hoh lecin maw! ^x
No, sisan luangsak mite paikhiamang dih un! ^y
20 Amaute in gitloh sawmin nang thu gen uh hi;
na langte in na min zangkhial uh hi. ^z
21 TOPA aw, nang hong mudahte mudahin, ^aa
nang langa pangte kih hilo ka hi hiam? ^ab
22 Amaute muhdahna sim loh bangmah ka nei kei hi;
amaute ka galte in ka sim hi.
23 Pasian aw, kei hong pheklek inla, ka lungsim thei in; ^ac
hong zia-et inla ka lunghimawhnate thei in.
24 Ka sungah langbawlna lampi khatpeuh a om kha hiam cih mu inla, ^ad
tawntung lampi ah kei hong kha in. ^ae